Onte, xoves 5 de maio, iniciamos o obradoiro de confección de gorros da Danza de Darbo. Invitamos de novo a Belén Guimeráns, presidenta da Asociación Danza de Darbo, a que nos ensinase como se confeccionan os gorros que locen as mulleres na Danza de Darbo. E coma sempre acudíu encantada.
Estivo primeiro na aula de 1ºB, onde confeccionou un gorro con flor artificial e cunha base dun gorro que non é o que se emprega habitualmente. Porque este será o modelo que empregaremos para que cada alumno confeccione o seu, para abatar o custo da actividade, xa que o gorro tradicional é moi caro e a flor natural faría moi perecedeiro o producto final. A nosa intención é que cada alumno confeccione un gorro e o leve para casa cando remate o curso.
En 1ºA, confeccionou o gorro sobre o tradicional e con flor natural para que quedase unha mostra do como realmente é e se fai.
A profesora de Educación Plástica e Visual estivo moi atenta a todo o proceso, pois será ela a que guie ao alumnado na confección de cadanseu gorro.
Este é o blog do alumnado de 1º de ESO do IES Monte Carrasco (Cangas do Morrazo) No Proxecto Interdisciplinar están a traballar sobre as 3 danzas tradicionais de Cangas declaradas de interese turístico.
No hay comentarios:
Publicar un comentario
Nota: solo los miembros de este blog pueden publicar comentarios.